सल्यान– कोरोना भाइरसको महामारीका बन्द भएका सल्यानका विद्यालय आठ महिनापछि खुलेका छन्।
नेपाल सरकारले सहज सिकाइ निर्देशिका २०७७ जारी गरेपछि विद्यालय सञ्चालन गर्ने बाटो खुलेको हो।
त्यसैका आधारमा विद्यालयहरु सञ्चालनमा आउन थालेका शिक्षा विकास तथा समन्वय इकाइ कार्यालय सल्यानका इकाइ प्रमुख लाल बहादुर घर्तीले बताए।
विद्यार्थीको संख्याका आधारमा स्वास्थ्य मापदण्ड अपनाएर पठनपाठन भइरहेको उनले बताए ।
खुलेका विद्यालयहरुमा अनिवार्य मास्क, सेनिटाइजर र हात धुने साबुन पानीको व्यवस्था गर्न सम्बन्धित विद्यालयलाई पत्राचार गरिएको उनले बताए ।
प्रतिक्रिया