काठमाडौं– बीपी कोइराला स्वास्थ्य विज्ञान प्रतिष्ठानमा उपचारको क्रममा एकजना कोरोना संक्रमित महिलाको मृत्यु भएको छ ।
अस्पतालका सूचना अधिकारी निदेश सापकोटाका अनुसार झापाको कन्काई–३ की ४५ वर्षीया महिलाको आइतबार बिहान १० बजेर ४५ मिनेटमा मृत्यु भएको हो ।
ती महिलालाई भदौ १८ गते मेरी अस्पताल झापाले बीपी प्रतिष्ठानमा रेफर गरेको थियो । उनमा भदौ १८ गते कोरोना पुष्टि भएको थियो ।
शरीर कमजोर हुने, कब्जियतको समस्या, ज्वरो, श्वासप्रश्वासमा समस्या र निमोनिया समेत देखिएपछि उनलाई बीपी प्रतिष्ठानले भेन्टिलेटरमा राखेर उपचार गरेको थियो । भेन्टिलेटरमै उपचाररत उनको आइतबार मृत्यु भएको डा सापकोटाले बताए ।
प्रतिक्रिया