काठमाडौं – नेपाल अन्तर्राष्ट्रिय तेक्वान्दो महासंघले आफ्नो वार्षिकोत्सवका अवसर पारेर उत्कृष्ट खेलाडी, प्रशिक्षक लगायतलाई सम्मान गरेको छ ।

२३ औं वार्षिकोत्सवका अवसरमा ललितपुरस्थित महालक्ष्मीस्थानमा रहेको रिभाईभ लिजर पार्कमा भएको सम्मान कार्यक्रममा सम्मानित हुने खेलाडीहरुमा पुरुषतर्फ युनिस गौतम र महिला तर्फ रिना धिमाल, सर्वोत्कृष्ट प्रशिक्षकमा रुपसिंह मोक्तान, उत्कृष्ट प्रशिक्षकमा राज मन्दिर श्रेष्ठ र उदीयमान प्रशिक्षकमा विक्रम बाठा मगर रहेका छन् ।

यस्तै उत्कृष्ट प्रदेशमा प्रदेश नं. २ र उत्कृष्ट जिल्लामा मोरङ्ग जिल्ला सम्मानित भएका छन् ।

राष्ट्रिय खेलकुद परिषदका उपाध्यक्ष शिव कोईराला “ज्वाला”, सदस्यद्वय सम्पन्न श्रेष्ठ र गोविन्द भट्टराई, आईटीएफका अध्यक्ष अञ्जन धमलाले विहीबार वर्ष २०१९ का उत्कृष्ट खेलाडी, प्रशिक्षक, प्रदेश र जिल्लालाई सम्मान गरेका हुन् ।

आईटीएफले आफ्नो वार्षिकोत्सवका अवसरमा खेल क्षेत्रका प्रतिभावान व्यक्तित्वलाई सम्मानका साथै सामाजिक कार्य समेत गर्दै आएको छ ।