आफ्नो बोल्ड भिडियो र फोटोका कारण सँधै चर्चामा रहने बलिउड अभिनेत्री हुन् पूनम पाण्डे ।

उनले हालैमा आफ्नो प्रेमी सैम बम्बेका साथ इन्गेजमेन्ट गरेकी छन् । पुनम र सैम आफैले यसबारे सामाजिक सञ्जालमा जानकारी दिएका छन् । इन्गेजमेन्टको औंठीका साथमा पुनम र सैले लिएको सेल्फीलाई सामाजिक सञ्जालमा शेयर गरेका थिए ।

सैमले हुनेवाला श्रीमती पूनम पाण्डेका साथमा इन्स्टाग्राम अकाउन्टमा इन्गेजमेन्ट औठीका साथमा तस्बिर शेयर गरेका हुन् । उनले इन्स्टाग्राममा क्याप्सन राख्दै लेखेका छन्, अन्ततः हामीले यसो गर्यौ ।

यी दुईको तस्बिर सामजिक सञ्जालमा निकै भाइरल बनेको छ । सैम र पूनमका फ्यानले उनीहरुलाई विवाहका लागी अग्रिम बधाई दिएका छन् । यी दुबै चाँडै विवाह गर्ने भारतीय मिडियाले उल्लेख गरेका छन् ।

पूनम पाण्डे बलिउडकी चर्चित मोडल र अभिनेत्री हुन् । उनले सन् २०१३ मा रिलिज भएको फिल्म नशाबाट अभिनय यात्रा थालेकि थिइन् । यस पश्चात उनले तेलुगु फिल्म मालिनी एण्ड कम्पनी, हिन्दी फिल्म आ गया हीरो र द जर्नी अफ कर्मामा देखा परेकि थिइन् ।