काठमाडौं- नेपालमा शनिबारसम्म ३६५ जना संक्रमित कोरोनामुक्त भएर अस्पतालबाट डिस्चार्ज भएका छन् ।

स्वास्थ्य तथा जनसंख्या मन्त्रालयका अनुसार प्रदेश १ बाट ७९, प्रदेश २ बाट १३३, बागतीबाट ३२, गण्डकीबाट ३, प्रदेश ५ बाट ९६, कर्णालीबाट ९ र सुदूरपश्चिमबाट १३ जना कोरोनामुक्त भएर घर फर्किएका छन्।

मन्त्रालयका अनुसार आजसम्म पीसीआर विधिबाट ९२ हजार ४७७ र आरडीटीबाट १ लाख ३७ हजार ४३५ नमूना परीक्षण भएका छन्। पछिल्लो २४ घण्टामा पीसीआरबाट ४ हजार १११ र आरडीटीबाट ५ हजार ५७० नमुना परीक्षण भएका छन्।

र, पछिल्लो २४ घण्टामा ३२३ जना संक्रमित थपिएसँगै नेपालमा संक्रमितको संख्या तीन हजार २३५ पुगेको मन्त्रालयका प्रवक्ता डा. विकास देवकोटाले बताए।

यसैगरी, देशभर क्वारेन्टाइनमा बस्ने मानिसको संख्या एक लाख ६८ हजार नाघेको छ। स्वास्थ्य मन्त्रालयले सार्वजनिक गरेको विवरण अनुसार देशैभरका क्वारेन्टाइनमा दिनप्रतिदिन मानिस थपिने क्रम बढिरहेको छ।

सबैभन्दा धेरै सुदूरपश्चिममा छन्। आजसम्मको तथ्यांक अनुसार सुदूरपश्चिममा ६० हजार २४३ जना क्वारेन्टाइनमा छन्। प्रदेश ५ मा ४१ हजार २१७ र कर्णाली प्रदेशमा ३२ हजार २६५ जना रहेका छन्।

त्यस्तै, प्रदेश २ मा २१ हजार ९२, गण्डकी प्रदेशमा ५ हजार ३९८, प्रदेश १ मा ४ हजार ३०३ र बागतीमा ३ हजार ५१३ जना रहेका छन्।

आइसोलेसनमा रहेका संक्रमित २ हजार ८५७ जना रहेका छन्। जस अन्तर्गत प्रदेश १ मा १७०, प्रदेश २ मा ९४३, बागमतीमा ५५, गण्डकीमा ७०, प्रदेश ५ मा ९६१, कर्णालीमा ५६७ र सुदूरपश्चिममा ९१ जना संक्रमित आइसोलेसनमा रहेका छन्।