काठमाडौं – अमेरिकामा एक सातायता कोरोना भाइरसको संक्रमणबाट मृत्यु हुनेको संख्या घट्दो क्रममा रहेकोमा मंगलबार पुनः बढेको छ ।

अमेरिकामा कोरोना भाइरसको संक्रमणबाट मृत्यु हुनेको संख्या क्रमिकरुपमा घट्दै गइरहेकोकोमा मंगलबार पुनः एकै दिन २ हजार ३०१ जनाको मृत्यु भएको छ ।

दैनिक औषतमा २ हजार जनासम्मको कोरोना भाइरसको संक्रमणले मृत्यु भइरहेकोमा अघिल्लो मंगलबारदेखि सोमबारसम्म घट्दो क्रममा देखिएको थियो ।

अमेरिकामा अघिल्लो मंगलबार (अप्रिल २८ मा) २ हजार ४७०, बुधबार (अप्रिल २९ मा) २ हजार ३९०, बिहिबार (अप्रिल ३० मा)  २ हजार २०१, शुक्रबार (मे १ मा) १ हजार ८९७ जनाको मृत्यु भएको थियो ।

यस्तै गत शनिबार ( मे २ मा) १ हजार ६९१, आइतबार (मे ३ मा)  १ हजार १५४ र सोमबार (मे ४) १ हजार ३६४ जनाको मृत्यु भएको थियो ।

तर मंगलबार पुनः मृतकको संख्या २ हजारभन्दा बढी देखिएपछि त्यहाँ कोरोना भाइरसको संक्रमणबाट मृत्यु हुनेको संख्या तत्कालै घट्ने संकेतहरु देखिएका छैनन् ।

अमेरिकी राष्ट्रपति डोनाल्ड ट्रम्पले यसअघि नै एक लाख जनाको मृत्यु हुन सक्ने आकलन गरिसकेका छन् ।