काठमाडौं – अमेरिकी राष्ट्रपति डोनाल्ड ट्रम्पले कोरोना भाइरसको महामारी नियन्त्रणका लागि गठित टास्क फोर्स खारेज गर्ने तयारी गरेका छन् ।

उपराष्ट्रपति माइक पेन्सको नेतृत्वमा रहेको उक्त टास्क फोर्सले प्रभावकारी काम गर्न नसकेको बताउदै ट्रम्पकले त्यसलाई खारेज गर्ने बताएका हुन् ।

उपराष्ट्रपति पेन्सले पनि अबको केही दिनभित्रै टास्क फोर्स खारेज गरिने बताएका छन् । एरिजोनाका रहेको मास्क उत्पादन कम्पनीको भ्रमणको क्रममा राष्ट्रपति ट्रम्पले टास्क फोर्स खारेज गर्ने तयारी गरेको बताएका हुन् ।

अमेरिकामा हाल दैनिक २० हजार भन्दा बढीमा कोरोना भाइरसका संक्रमित थपिने गरेका छन् भने दैनिक औषत १ हजार २ सय हाराहामारीको मृत्यु हुँदै आएको छ ।

संक्रमण नरोकिरहदा टास्क फोर्स खारेज गर्ने ट्रम्पको तयारीले महामारी अझ फैलने सक्ने भन्दै स्वास्थ्य विज्ञहरुले आलोचना गरेका छन् ।

तर ट्रम्पले भने अमेरिकी अर्थव्यवस्था पनि चलायमान हुने गरीको अर्को टास्क फोर्स गठन गरिने जानकारी दिएका छन् ।