एजेन्सी– विश्वव्यापी महामारीको रुपमा फैलिएको कोरोना भाइरसको संक्रमण अमेरिकामा पनि तीव्र देखिएको छ ।

अमेरिकामा पछिल्लो २४ घण्टामा १ हजार १५४ जनाले ज्यान गुमाएसँगै मृत्यु हुनेको संख्या ९ हजार ६०५ पुगेको छ ।

अमेरिकामा एकैदिन २४ हजार ९७० जनामा संक्रमण देखिएसँगै संक्रमित हुनेको संख्या ३ लाख ३६ हजार ३२७ पुगेको छ ।

चीनको वुहानबाट शुरु भएको कोरोना संक्रमणको दर यूरोपियन मुलुक हुँदै पछिल्लो सुमय अमेरिकामा तीव्र देखिएको छ ।
अमेरिकामा संक्रमितमध्ये १७ हजार २४५ जना उपचारपछि निको भएका छन् । ८ हजार ७०२ जनाको अवस्था गम्भीर रहेको

जनाइएको छ भने ३ लाख ९ हजार ४४७ जना उपचाररत छन् ।

यसैबीच, विश्वव्यापी रुपमा कोरोना भाइरसका कारण एकैदिन ४ हजार ७१५ जनाले ज्यान गुमाएसँगै मृत्यु हुनेको संख्या ६९ हजार ४०५ पुगेको छ ।

एकै दिन ७० हजार ३९२ जनामा संक्रमण देखिएसँगै संक्रमितको संख्या विश्वमा १२ लाख ७१ हजार ८७५ पुगेको छ ।
संक्रमितमध्ये २ लाख ६१ हजार ४२४ जना उपचारपछि निको भएका छन् ।