काठमाडौं– प्रधानसेनापति पूर्णचन्द्र थापाले नेपाली सेनाको उपरथीमा बढुवा भएका सुरेश कुमार कार्कीलाई दर्ज्यानी चिन्ह प्रदान गरेका छन् ।

नेपाली सैनिक वार कलेज नगरकोटका प्रमुख रहेका सहायक रथी कार्कीलाई गत फाल्गुन १८ गते बसेको मन्त्रीपरिषद्को बैठकले उपरथीमा बढुवा गर्ने गरेको थियो ।

कार्कीलाई शुक्रबार जंगी अड्डामा आयोजित एक कार्यक्रमकाबीच प्रधानसेनापति थापाले उपरथी दर्जाको दर्ज्यानी चिन्ह प्रदान गरेका हुन् ।

सेनामा व्यवसायीक अधिकृतका रुपमा चिनिने कार्कीले चीनबाट नेशनल डिफेन्स कोर्स गरेका छन् ।

कार्कीले नगरकोटमा कार्यरत हुंदा राम्रो काम गरेको भन्दै प्रधानसेनापति थापाले एक वर्ष कमाण्ड गर्न पाउनेमा १७ महिना जिम्मेवारीमा राखेका थिए ।

उपरथी दर्जामा पदोन्नति भएका उपरथी कार्कीलाई रणनितीक हिसावले समेत महत्वपूर्ण मानिने मध्य पूर्वी पृतना हेडक्वाटरमा पृतनापतिको जिम्मेवारी दिइएको छ ।