काठमाडौं– प्रधानमन्त्री केपी शर्मा ओलीले आफू छिट्टै काममा फर्कने बताएका छन् ।

बुधबार दोस्रोपट मिर्गौलाको सफल प्रत्यारोपणपछि अस्पतालमा रहेका प्रधानमन्त्री केपी शर्मा ओलीले आफ्नो स्वास्थ्यमा तीब्र गतिमा सुधार भइरहेको र छिट्टै काममा फर्कने बताएका हुन् ।

शुक्रवार विहान प्रधानमन्त्रीका प्रमुख सल्लाहकार विष्णु रिमाल प्रधानमन्त्री केपी ओलीलाई भेट गर्न अस्पताल पुगेका थिए । अप्रेसनपछि पहिलो पटक प्रधानमन्त्रीसँग कुरा गर्न अबसर मिलेको भन्दै रिमालले सामाजिक सञ्जाल ट्वीटरमा प्रधानमन्त्रीको भेटबारे जानकारी गराएका छन् ।

उनले लेखेका छन,‘ सर्जरी पछी आज पहिलो पटक प्रधानमन्त्रिज्यू सँग कुरा गर्ने अबसर मिल्यो । “साथिहरुलाई भनिदिनुस्, मेरो स्वास्थ्य तीब्र गतिमा सुधार भई रहेको छ । छिट्टै म काममा फर्किन्छु ।’

मिर्गौला प्रत्यारोपण पछि प्रधानमन्त्रीको स्वास्थ्यमा अपेक्षकृत सुधार आएको र प्रत्यारोपित मिर्गौलाले राम्रो काम गरिरहेको चिकित्सकहरुले बताएका छन् ।

सर्जरी पछी आज पहिलो पटक प्रधानमन्त्रिज्यू सँग कुरा गर्ने अबसर मिल्यो। “साथिहरुलाई भनिदिनस, मेरो स्वास्थ्य तीब्र गतिमा सुधार भई रहेको छ। छिट्टै म काममा फर्किन्छु।”
धेरै खुशि लाग्यो,
शीघ्र स्वास्थ्यलाभको कामना प्रधानमन्त्रिज्यू!

— Bishnu Rimal (@BishnuRimal) March 6, 2020