काठमाडौं- टोटेनहम एफ ए कपको पाँचौ चरणमा प्रवेश गरेको छ ।

बुधबार राति भएको खेलमा साउथह्याम्टनमाथि रोमाञ्चक जित निकाल्दै टोटेनहम अघिल्लो चरणमा पुगेको हो ।

घरेलु मैदानमा भएको खेलमा टोटेनहमले साउथह्याम्टनलाई ३–२ ले पराजित गर्‍यो।

जितसंगै टोटेनहमले नर्विच सिटीसँगको उपाधि भिडन्त पक्का गरेको छ । ज्याक स्टेफनले १२ औ मिनेटमा गरेको आत्मघाति गोलबाट टोटेनहमले अग्रता बनाएको थियो ।

साने लङले ३४ औं मिनेटमा गोल गर्दै साउथह्याम्टनलाई खेलमा फर्काए । ड्यानी ईङ्सले ७२ औं मिनेटमा साउथह्याम्टनलाई खेलमा अग्रता दिलाएका थिए ।

त्यसपछि लगातार दुई गोल गर्दै टोटेनहमले रोमाञ्चक जित दर्ता गर्‍यो । लुकास मौराले ७८ औ मिनेटमा गोल गर्दै खेल २–२ को बराबरीमा ल्याए ।

८७ औ मिनेटमा पेनाल्टीमा गोल गर्दै सन ह्युङ मिनले टोटेनहमका लागि विजयी गोल गरे । डेन अलीको पासलाई विफल बनाउने क्रममा साउथह्याम्टनका गोलकिपरले फल गर्न पुगेपछि टोटेनहमले पेनाल्टीको अवसर पाएको थियो ।

साउथह्याम्टनले अब प्रियिमर लिगको पुछारमा रहेको टिम नर्विच सिटीलाई पाँचौ चरणको खेलमा आतिथ्यता प्रदान गर्नेछ ।