एजेन्सी – चिनियाँ एपहरूमा प्रतिबन्ध लगाइएपछि भारतमा एक १७ वर्षीय किशोरले फाईल सेयरिंग एप बनाएका छन् ।

जम्मू कश्मीरको राजौरी जिल्लाको चट्टेयरका १७ वर्षीय अशफाक मेहमूद चौधरीले फाईल सेयरिंग एप ‘डोडो ड्रप’ बनाएको भारतीय समाचार संस्था एएनआइले जनाएको छ । उक्त एपमार्फत प्रयोगकर्ताहरूले अडियो, भिडियो, फोटो तथा टेक्स्ट फाइल इन्टरनेट बिना पनि शेयर गर्न सक्नेछन् ।

अशफाक मेहमूदका अनुसार ‘डोडो ड्रप’ चिनियाँ एप ‘SHAREit’ को विकल्प हो । ‘प्रतिबन्धको कारण प्रयोगकर्ताहरूले फाईल शेयरिङगमा समस्या झेल्नुपरेको थियो, त्यसैले मैले यो फाईल-साझेदारी एप बनाउने निर्णय गरें,’ उनले भने,’ डोडो ड्रपबाट प्रयोगकर्ताहरूले अडियोहरू, भिडियोहरू, फोटोहरू र टेक्स्ट्हरू पनि साझा गर्न सकिनेछ ।’

चार हप्ता लगाएर बनाइएको ‘डोडो ड्रप’ को ८० एमबीपीएसको ट्रान्सफर रेट छ जुन SHAREit भन्दा छिटो छ र प्रयोग गर्नका लागि धेरै सहज छ।

भारत सरकारले गोपनियता उल्लंघनको कारण देखाउँदै गत जुनमा टीकटक, सेयरइट जस्ता ५९ वटा चिनियाँ एपहरूमा प्रतिबन्ध लगाएको थियो भने जुलाईमा ४७ वटा एपमा प्रतिबन्ध लगाएको थियो ।