काठमाडौं– अबदेखि क्यारेन्टाइनमा रहने व्यक्तिको स्वास्थ्य परीक्षण गरिने भएको छ ।

स्वास्थ्य मन्त्रालयका प्रवक्ता डा जागेश्वर गौतमले नियमित लाइभ अपडेट मार्फत क्वारेन्टाइनमा राखिने व्यक्तिहरुको स्वास्थ्य परीक्षण हुने जानकारी दिएका हुन ।

डा गौतमका अनुसार क्वारेन्टाइनमा राख्ने व्यक्तिलाई क्वारेन्टाइनमा राख्नु अघि र क्वारेन्टाइन बसाइ पुरा गरेपछि घर पठाउनुअघि स्वास्थ्य परीक्षण गरिने छ ।

यस्तै क्वारेन्टाइनमा बस्ने व्यक्तिहरुले मास्क अनिवार्य रुपमा प्रयोग गर्नुपर्ने पनि डा गौतमले बताए । स्वास्थ्य मन्त्रालयले क्वारेन्टाइन व्यवस्थानप सम्बन्धि निर्देशिका परिमार्जन गर्दै यो व्यवस्था गरेको डा गौतमको भनाइ छ ।

‘स्वास्थ्य तथा जनसंख्या मन्त्रालयले क्वारेन्टाइनमा रहेका व्यक्तिहरुका लागि स्वास्थ्य सम्बन्धि व्यवस्था समायानुकूल परिमार्जन गरेको छ,’ डा गौतमले भने, ‘क्वारेन्टाइनमा बस्दा अनिवार्य मास्को प्रयोग गर्नुपर्ने, क्वारेन्टाइनमा रहने व्यक्तिहरुको क्वारेन्टाइनमा राख्नुपुर्व र क्वारेन्टाइनबाट जाँदा स्वास्थ्य अवस्था जाँच अनिवार्य गर्ने र रिपोर्ट गर्ने ।’

मन्त्रालयले कोरोना संक्रमितको संख्या बढ्दै गएको भए पनि परीक्षणको दायरालाई बढाएको जानकारी दिएको छ ।