काठमाडौं– सेती प्रादेशिक अस्पतालमा उपचारत ६ जना कोरोना संक्रमित अस्पतालबाट डिस्चार्ज भएका छन् ।

स्वास्थ्य मन्त्रालयले बनाएको कोभिड १९ केशको आइसोलेसन व्यवस्थापन सम्बन्धि निर्देशिकाको आधारमा अस्पतालमा १४ दिन अघि भर्ना भएका ६ जनालाई डिस्चार्ज गरीएको अस्पतालका सुचना अधिकारी दिलिप कुमार श्रेष्ठले खबरहबलाई बताए ।

अस्पतालबाट डिस्चार्ज हुनेहरुमा अछामको मेल्लेख गाउँपालिका–४ की ११ वर्षीया बालिका र ३७ वर्षका पुरुष रहेका छन् । यस्तै बैतडीको शिवनाथ गाउँपालिका–१ का २० र २२ सोही गाउँपालिकाका २२ र २७ वर्षका पुरुषहरुलाई अस्पतालले आज डिस्चार्ज गरेको हो ।

अस्पतालका सुचना अधिकारी श्रेष्ठका अनुसार उनीहरुलाई स्वास्थ्य मन्त्रालयको नयाँ निर्देशिका अनुसारको कोरोनाको लक्षण नभएकाले घरमै आइसोलेसनमा बस्न निर्देशन दिदै अस्पतालबाट डिस्चार्ज गरिएको हो ।