काठमाडौं– नेत्रबिक्रम चन्द (विप्लव) नेतृत्वको प्रतिबन्धित नेपाल कम्युनिस्ट पार्टीका केन्द्रीय सदस्य एवम् प्रकाशन विभागका प्रमुख अनिल शर्मा (बिरही) पक्राउ परेका हुन् ।
प्रहरी प्रधान कार्यालय स्रोतका अनुसार उनलाई चितवनबाट पक्राउ गरिएको हो ।
पोलिब्यूरो विघटन हुनु अगाडिसम्म शर्मा विप्लव समूहको पोलिटब्यूरो सदस्य थिए । उनले केही समय विप्लव समूहको पूर्वी कमाण्डको जिम्मेवारी समेत सम्हालेका थिए ।
सशस्त्र जनयुद्धदेखि सिर्जनशील नेताको छवि बनाएका शर्मा मोहन बैद्य (किरण)ले पार्टी फुटाउँदा उनीसँगै गएका थिए । शर्मा पछि बैद्यबाट पनि अलग भएका विप्लवसँगै गएका थिए ।
प्रतिक्रिया