न्यूओर्क – हलिउड अभिनेता टम क्रुजले एक्सन थ्रीलर फिल्म ‘मिसन इम्पोसिबल’ को आउँदो सिक्वेलको शूटिङ स्पेसमा गर्ने योजना बनाएका छन् । यसका लागि उनले इलोन मस्क र नासाको सहयोग लिने अमेरिकन मिडियाले जनाएका छन् ।

हलिउड मिडियाका अनुसार टम क्रुजले आउटर स्पेसमा फिल्मको छायांकन गर्ने योजना बनाएका छन् । जुन फिल्म एक्सन एडभेन्चर हुनेछ । यो फिल्म पहिलो न्यारेटिभ स्पेस फिल्म हुने पनि बताइएको छ ।

टम क्रुजको मिसन इम्पोसिबल उनका फिल्ममध्ये हिट फिल्म हो । एक्सन थ्रीलर सिरिजले दर्शकको मन जितेका छन् ।

कोरोना भाइरसका कारण मिसन इम्पोसिबलको सातौं र आठौं सिक्वेलको रिलिज मिति पछाडि सारिएको छ । यो लोकप्रिय फिल्मका ६ वटा भाग प्रदर्शनमा आइसकेका छन् ।

नयाँ रिलिज मिति अनुसार मिसन इम्पोसिबल ७ नोभेम्बर १९ २०२१ मा रिलिज हुनेछ भने २०२२ को नोभेम्भरमा मिसन इम्पोसिबल ८ रिलिज हुनेछ ।

टम क्रुजको शीर्ष भूमिका रहेको फिल्म ‘टप गन म्याभरिक’ पनि कोरोना भाइरसका कारण पछाडि सरेको थियो ।