नयाँ दिल्ली – भोजपुरी निर्देशक अनिल अजिताभको निधन भएको छ । उनको सोमवार भारतको पटनामा निधन भएको भारतीय सञ्चार माध्यमले जनाएका छन् ।
उनको निधनले भोजुपरी फिल्म उद्योग स्तब्ध बनेको छ । सेलिब्रेटीले सामाजिक सञ्जालमार्फत श्रद्धाञ्जली अर्पण गरेका छन् ।
हिन्दी फिल्ममा समेत काम गरेका अजिताभले हम बाहुबली, रणभूमि, एक दुजे के लिए लगायत कैयन् भोजपुरी फिल्म निर्देशन गरेका थिए ।
उनले ‘जय गंगाजल’, ‘अपहरण’ लगायतका फिल्ममा सहायक निर्देशकका रुपमा काम गरेका थिए ।
अनिलले एक अन्तर्वार्तामा भोजपुरी फिल्म नै आफ्नो जीवन भएको र अन्तिम समयसम्म पनि यही फिल्म उद्योगमा काम गर्ने चाहना भएको बताएका थिए ।
प्रतिक्रिया