काठमाडौं- सरकारले कोरोना भाइरसको सम्भावित जोखिम न्यूनीकरणका लागि मुलुकभर लकडाउन लागू गरेसँगै भारतीय सीमा क्षेत्रमा रहेका नेपालीलाई भारतीय क्वारेन्टाइनमै बसेका छन् ।

भारतमा पनि कोरोनाको संक्रमण फैलिएपछि स्वदेश फर्किने क्रममा सीमा क्षेत्रमा पुगेका नेपालीहरु लकडाउनका कारण नेपाल प्रवेश नपाएपछि सीमाक्षेत्रकै भारतीय क्वारेन्टाइनमा बसेका हुन् ।

नेपाल र भारतबीच भएको सहमतिअनुरुप उनीहरुलाई भारतीय क्वारेन्टाइनमा राखिएको हो ।

नेपाली मात्र नभएर नेपालमा रहेका भारतीय नागरिक पनि स्वदेश फर्किन पाएका छैनन् । केही भारतीयहरुलाई सीमा क्षेत्रका नेपाली क्वारेन्टाइनमा राखिएको छ ।

महाकाली पारी भारतको धार्चुला, पिढौरागढ र दिदिहाट जिल्लाहरुमा बनाइएका १० वटा क्वारेन्टाइनमा १ हजार २७३ जना नेपाली रहेको जनाइएको छ ।

उनीहरुलाई भारत सरकारले राम्रो खाना र बासको व्यवस्था गर्नुको साथै काउन्सिलिङको पनि व्यवस्था गरेको जनाइएको छ ।

र्धाचुलास्थित क्याम्पहरु नियमित स्वास्थ्य परीक्षण गर्ने गरिएको र कोरोनाबाट बच्ने उचित परामर्श समेत दिने गरिएको जनाइएको छ ।