काठमाडौं– समता स्कूलका सञ्चालक एवं अभियन्ता उत्तम सञ्‍जेलकी पत्नीसहित तीनजनाले आत्महत्या दुरुत्साहन मुद्दामा सफाइ पाएका छन् ।

बौद्ध कुमारीगालस्थित समता स्कुल र समता अस्पतालका सञ्‍चालक सञ्जेल पत्‍नी कलासहित तीनजनालाई आत्महत्या दुरुत्सान मुद्दामा काठमाडौँ जिल्ला अदालतले सफाइ दिएको हो ।

जिल्ला न्यायाधीश कमलप्रसाद पोखरेलको एकल इजलासले कला, अस्पतालमा कार्यरत तीर्थकुमारी र विद्यार्थी संगीतालाई पनि सफाइ दिएको हो ।

आत्महत्या दुरुत्साहन मुद्दामा अभियोगको दाबी नपुग्‍ने ठहर गर्दै सञ्जेलसहितलाई सफाइ दिएको हो ।

बौद्धस्थित समता अस्पतालमा कार्यरत बिमला तामाङले नौ महिनाअघि आत्महत्या गरेकी थिइन् । आत्महत्या गरेकी तामाङले सञ्जेल पत्नीलाई म्याडम र अन्य दुईको नाम पनि एक चिटमा उल्लेख गरेकी थिइन् ।