काठमाडौं – फिफा विश्वकप फुटबल एसिया छनोट अन्तर्गत नेपालसँग हुने खेल सार्न अष्ट्रेलियाले प्रस्ताव गरेको छ ।

विश्वभर कोरोनाको महामारी फैलिएपछि अष्ट्रेलियाले सोही कारण दर्शाउँदै नेपालबिरुद्धको पूर्वनिर्धारित खेल सार्न प्रस्ताव गरेको हो।

अष्ट्रेलियाले यसै महिना काठमाडौंको दशरथ रंगशालामा विश्वकप छनोटको दोस्रो लिगको खेल नेपालसंग खेल्दैछ ।

मार्च ३१ मा नेपाल र अष्ट्रेलिया दशरथ रंगशालामा खेल्ने तय भइसकेको छ । त्यसको ५ दिन अघि नेपालले दशरथ रंगशालामै चाईनिज ताईपेसंग विश्वकप छनोटको दोस्रो लिग खेल्दैछ ।

अष्ट्रेलियाको प्रस्ताव र कोरोना संक्रमण फैलन नदिइन संसारभर सतर्कता अपनाइरहँदा विश्वकप छनोटको पूर्व निर्धारित खेल सर्ने सम्भावना बढेर गएको छ । यद्यपी यसको आवश्यक निर्णय भने भइसकेको छैन ।