काठमाडौं– त्रिभुवन अन्तर्राष्ट्रिय विमानस्थलबाट पुनः २ जना भारतीय नागरिक मलद्वारा लुकाएर ल्याइएको सुन तथा हिरासहित पक्राउ परेका छन् ।

युएईको दुबईबाट काठमाडौं उत्रिएका भारतीय नागरिक मोहम्मद मेदिन र कोटाकुथ किज्हाकिथिल ५ सय ९९ ग्राम सुन र २ स २ ग्राम हिरासहित पक्राउ परेका हुन् ।

उनीहरुले मलद्वारमा लुकाएर सुन ल्याएका थिए ।

त्रिभुवन अन्तर्राष्ट्रिय विमानस्थलको आगमन कक्षनजिक पुग्दा शंकाको आधारमा चेकजाँच गर्दा उनीहरुले मलद्वारा लुकाएर सुन र हिरा ल्याएको भेटिएको हो ।

पछिल्लो एक साताको अन्तरालमा मात्रै आइतबारसमेत गरी चौथोपटक भारतीय नागरिक सुनसहित पक्राउ परेका हुन् ।

पुस १५ गते २ जना भारतीय नागरिक मलद्वारमा लुकाएर ल्याइएको आधा किलो सुनसहित पक्राउ परेका थिए ।

यस्तै, बिहीबार गालेर ल्याइएको १ किलो सुनसहित २ जना भारतीय नागरिक पक्राउ परेकामा शुक्रबार मलद्वारमा लुकाएर ल्याइएको २ किलो सुनसहित २ जना भारतीय नागरिक पक्राउ परेका थिए ।