काठमाडौं–  त्रिभुवन विश्वविद्यालय परिसरभित्र निर्माण भई सञ्चालनमा रहेको प्रहरी चौकी हटाइने भएको छ ।

त्रिविमा प्रहरी चौकी राखेपछि नेपाल विद्यार्थी संघ आन्दोलनमा उत्रिएको थियो ।

त्रिवि हाताबाट प्रहरी चौकी तत्कालै हटाउने विषयमा आन्दोलनरत नेपाल विद्यार्थी संघ र त्रिवि विद्यार्थी कल्याण तथा खेलकूद निर्देशनालयबीच सहमति भएको हो ।

नेविसंघ त्रिवि इकाइ सचिव योगेन्द्र रावल र निर्देशनालयका निर्देशक गंगाबहादुर थापा मगरबीच आइतबार भएको सहमतिपत्रमा प्रहरी चौकी त्रिवि हाताबाट तत्काल हटाउने जनाइएको छ ।

त्यस्तै स्ववियु निर्वाचन फागुनभित्र गर्नका लागि एक साताभित्र मिति तोक्ने र निर्वाचन कार्यतालिका एक महिना अघि सार्वजनिक गर्नुपर्ने सहमतिपनि नेविसंघसँग त्रिविले गरेको छ ।