काठमाडौं- स्पेनिस ला लिगा अन्तर्गत गएराति भएको खेलमा जित हात पार्दै एट्लेटिको मड्रिडले लिगको तेस्रो स्थानमा उक्लिएको छ । मड्रिडले लेभान्तेमाथि २–१ गोल अन्तरको जित निकालेको छ ।
खेलको १३ औं मिनेटमा एन्जिल कोरियाले गोल गर्दै एट्लेटिकोलाई अग्रता दिलाएका थिए । त्यसको तीन मिनेटपछि रोजर मार्टीले खेल बराबरीमा ल्याए ।
त्यसको दुई मिनेटपछि डिफेन्डर फिलिपले हेडमार्फत गोल गर्दै मड्रिडको जित सुनिश्चित गरेका थिए ।
थप गोल नभएपछि एट्लेटिकोले तीन अंक बटुल्न सफल रह्यो । जितसंगै एट्लेटिको ३५ अंक पुगेको छ । सेभिल्लाको समेत समान ३५ अंक छ । तर गोल अन्तरका आधारमा एट्लेटिको माथि रह्यो । लेभान्ते २६ अंक सहित नवौं स्थानमा छ ।
प्रतिक्रिया