बुटवल – प्रदेश ५ को राजधानी दाङको देउखुरी बनाउने प्रदेश सरकारको सिफारिसपछि बुटवलमा विरोध प्रदर्शन भइरहेको छ ।

प्रदेशसभामा प्रदेशको नाम लुम्बिनी र प्रदेश राजधानी दाङको देउखुरीमा राख्ने प्रस्ताव गरिएको थियो । नेपाल कम्युनिस्ट पार्टी (नेकपा) का प्रदेश राजधानी दाङको पक्षमा मतदान गर्ने निर्णय गरेको छ ।

स्थानीयले भने उक्त प्रस्ताव प्रदेश सभाबाट फिर्ता गरेर रुपन्देहीलाई नै स्थायी राजधानी तोक्न माग गरेका छन् ।

प्रदेश सरकारले बुटवलका केही स्थानहरुमा असोज २१ गतेसम्म निषेधाज्ञा जारी गरेको छ ।

निषेधाज्ञा जारी गरे पनि आइतवार बुटवलका विभिन्न स्थानहरूमा विरोध प्रदर्शनहरु भए । विरोधका क्रममा स्थानीयले सडकका विभिन्न स्थानमा टायर बालेर प्रदर्शन गरे ।

प्रमुख प्रतिपक्षी दल नेपाली कांग्रेसले पनि सरकारविरोधी प्रदर्शनहरु गरे । विभिन्न संघसंस्थाले बुटवलमा आज १८ गते बुटवल बन्दको आयोजना गरेका थिए । स्थानीय युवाहरूले बुटवलमा खुला गरिएका पसलहरू बन्द गराउँदै हिँडेका थिए ।

प्रदेश सरकारले जारी गरेको निषेधाज्ञाका कारण ठूलो संख्यामा प्रदर्शनकारीको भीड भने भएन ।

तस्वीरहरुमा हेर्नुहोस्ः