काठमाडौं- नेपालका १२ जिल्लामा ५ सय भन्दा बढी कोरोनाका सक्रिय संक्रमितहरु रहेको स्वास्थ्य तथा जनसंख्या मन्त्रालयले जनाएको छ।

शुक्रबारको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले १२ जिल्लामा ५ सयभन्दा बढी संक्रमित उपचाररत रहेको जानकारी दिएका हुन् ।

५०० भन्दा बढी संक्रमित रहेका १२ जिल्ला

काठमाडौं
ललितपुर
पर्सा
महोत्तरी
रौतहट
मोरङ
बारा
सर्लाही
धनुषा
चितवन
रुपन्देही
सुनसरी

त्यस्तै ६ जिल्लामा हाल सक्रिय संक्रमित नरहेको प्रवक्ता गौतमले जानकारी दिए। ती जिल्लामा सबै कोरोना सक्रमितहरु निको भएर घर गएको प्रवक्ता गौतमले जानकारी दिएका हुन् ।

हाल कोरोना संक्रमित नभएका ६ जिल्ला

मुस्ताङ
हुम्ला
मुगु
डोल्पा
सोलुखुम्बु
ताप्लेजुङ

नेपालमा पछिल्लो २४ घण्टामा थप १ हजार ३५९ जनामा कोरोना भाइरसको संक्रमण पुष्टि भएको छ । यो सँगै कोरोना संक्रमितको संख्या ४४ हजार २३६ पुगेको छ ।

यसैगरी पछिल्लो २४ घण्टामा थप १३५४ जना कोरोना संक्रमणमुक्त भएका छन् । यो हालसम्मकै सर्वाधिक संख्या हो । योसँगै नेपालमा कोरोना संक्रमण भएर निको हुनेको संख्या हालसम्म २५ हजार ५६१ पुगेको छ ।

मन्त्रालयका अनुसार शुक्रबारसम्म कोरोनाका कारण ज्यान गुमाउनेको संख्या २७१ पुगेको छ ।