काठमाडौं- नेपालमा  पछिल्लो २४ घण्टामा अहिलेसम्मकै सबैभन्दा बढी १ हजार ३५४ जना कोरोना संक्रमित निको भएर अस्पतालबाट डिस्चार्ज भएका छन् ।

योसँगै नेपालमा कोरोना संक्रमण मुक्त हुनेको संख्या २५ हजार ५६१ पुगेको हो ।

कुल संक्रमितमध्ये ५८ प्रतिशत संक्रमित निको भएको स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले जानकारी दिए ।

कुन प्रदेशमा कति जना संक्रमण मुक्त ?

प्रदेश १ मा २००१ जना

प्रदेश २ मा ७३५७ जना

वाग्मती प्रदेश २०६७ जना

गण्डकी प्रदेशमा १७१७ जना

प्रदेश ५ मा ५२७६ जना

कर्णाली प्रदेशमा २१३७ जना

सुदूरपश्चिम प्रदेशमा ५००६ जना

२५ हजार ५ सय ६१ पुगेको छ ।

नेपालमा पछिल्लो २४ घण्टामा थप १ हजार ३५९ जनामा कोरोना भाइरसको संक्रमण पुष्टि भएको छ । यो सँगै कोरोना संक्रमितको संख्या ४४ हजार २३६ पुगेको छ ।

पछिल्लो २४ घण्टामा १४ जनाको कोरोनाले ज्यान गएको छ । योसँगै शुक्रबारसम्म कोरोनाका कारण ज्यान गुमाउनेको संख्या २७१ पुगेको मन्त्रालयले जानकारी दिएको छ ।