काठमाडौं- शिवसेना नेपालले राजसंस्था पुनस्थापनाको माग राख्दै नवलपुर र सुस्तामा बिहीबार साँझ मसाल जुलस प्रदर्शन गरेको छ ।

शिव सेना नेपालका कार्यकर्ताले राजसंस्था पुनस्थापनाकाे मागसहित नेपाली भूमि फिर्ताको नारा लगाउँदै मसाल जुलुस निकालेका हुन ।

उनीहरुले मसाल जुलुस निकालेपछि प्रहरीले केही कार्यकर्तालाई नियन्त्रणमा लिएको छ ।

जिल्ला अध्यक्ष उपेन्द्र गौतम लगायत चारजनालाई प्रहरीले पक्राउ गरेको शिव सेना नेपालका अध्यक्ष अनिल बस्नेत (अनिल बाबा)ले जानकारी दिए । उनका अनुसार अहिले दुई जनालाई छाडिएको छ भने दुई जना प्रहरीको नियन्त्रणमै रहेका छन् ।

शिव सेना नेपालका केन्द्रीय सदस्य मुरार पहलमान नेतृत्वको टोलीले मसाल जुलुस प्रदर्शन गरेको हो । नवलपरासी अध्यक्ष उपेन्द्र गौतमका अनुसार सुस्ता नगरअध्यक्ष हिटलरसहित स्थानीय युवाहरु प्रदर्शनाम सहभागी भएका थिए ।