काठमाडौं – दक्षिण कोरियामा पनि इबोलाको औषधि रेम्डेसिभिरलाई कोरोना भाइरस संक्रमितको उपचारमा प्रयोग गर्न अनुमति दिइएको छ ।
दक्षिण कोरियामा रेम्डेसिभरको प्रयोगपछि बिरामी चाडै निको भएपछि त्यहाँको खाद्य तथा औषधि सुरक्षा मन्त्रालयले उक्त औषधि प्रयोगमा अनुमति दिएको हो ।
मन्त्रालयले अनुमति दिएलगत्तै उक्त औषधि आयात गर्न सहज भएको छ। मन्त्रालयले उक्त औषधि आयातका लागि अमेरिकी कम्पनी जाइलिडसँग परामर्श गरिरहेको बताएको छ। तर यस औषधिको मूल्य र संख्याका बारेमा केही खुलाइएको छैन।
संयुक्तराज्य अमेरिकाले अस्पतालहरुमा रेम्डेसिभरको आपतकालीन प्रयोगमा अनुमति दिएपछि जापानले पनि रेम्डेसिभिर प्रयोगलाई बैधता दिएको थियो ।
प्रतिक्रिया