धनगढी– कैलालीको धनगढीबाट पेस्तोलसहित ३ जना व्यक्ति पक्राउ परेका छन् । प्रहरीको क्षेत्रीय अनुसन्धान समूह (आरआईटी)को टोलीले पेस्तोलसहित ३ जनालाई पक्राउ गरेको हो ।
पक्राउ पर्नेमा धनगढी उपमहानगरपालिका– १२ घर भएका ३१ वर्षीय अविनाश थापा, २० वर्षीय नब्बु भनिने नवराज बराइली र बिनोद कुँवर छन् ।
आरआईटीका प्रहरी नायव निरीक्षक केशव जोशी नेतृत्वको टोलीले धनगढी उपमहानगरपालिका ७ देवरिया वन क्षेत्रबाट उनीहरुलाई पक्राउ गरेको हो ।
प्रहरीले उनीहरुको साथबाट १ थान कटुवा पेस्तोल तथा त्यसमा लाग्ने गोली १ राउण्ड बरामद गरेको छ ।
पक्राउ परेका तीनै जनालाई थप अनुसन्धानका लागि जिल्ला प्रहरी कार्यालय कैलालीको जिम्मा लगाइएको छ ।
प्रतिक्रिया