काठमाडौं – नायिका पूजा शर्माले हालै आफ्नो जन्मदिन मनाइन् । उनले अभिनय र निर्माण गरेको फिल्म ‘म यस्तो गीत गाउँछु २’ गत फागुनमा प्रदर्शनमा आउने चर्चा थियो ।

कोरोना भाइरसका कारण अब यो फिल्म कहिले रिलिज हुन्छ भन्ने टुङ्गो छैन । पछिल्लोपटक रिलिज भएको उनको फिल्म ‘पोइ पर्‍यो काले’ ले भने सकारात्मक प्रतिक्रिया पाएन ।

फुर्सदमा हुँदा पूजाले सामाजिक सञ्जालमा पनि समय दिइरहेकी छिन् । हालै उनले सामाजिक सञ्जाल इन्स्टाग्राममा तस्वीर शेयर गरेकी छिन् । तस्वीरको क्याप्सनमा उनले लेखेकी छिन् – आइ एम द बेस्ट अर्थात् म उत्कृष्ट छु ।

‘म उत्कृष्ट छु, मसँग राम्रो छ र म राम्रो कुराको लायक छु, आफूलाई माया गर्नुहोस्,’ पूजाले लेखेकी छिन् ।

पूजाको भनाइलाई लिएर फ्यानले समर्थन जनाएका छन् । साथै उनको तस्वीरमा ‘राम्री’ भन्दै कमेन्ट गरेका छन् ।

केही दिनअघि अर्की कलाकार सुष्मा कार्कीले पूजा शर्माको नाम नै सुन्न मन नपराउने बताएकी थिइन् । त्यसपछि केही समय पूजा र सुष्मा मिडियामा चर्चामा आएका थिए ।

यता पूजाले भने एक अन्तर्वार्ताका क्रममा पूजाले सुष्मालाई धन्यवाद भनेकी थिइन् ।