काठमाडौं- कोरोनाभाइरसको प्रकोपका कारण विश्वभर त्रास भइरहेका बेला वैज्ञानिकहरुले यसबाट जोगिनका लागि मासिनहरुलाई हात नमिलाउन, अंकमाल नगर्न आह्वान गर्दै आएका छन् । विश्वका अधिकांश हिस्सामा अभिवादनस्वरुप हात मिलाइन्छ ।

तर, कोरोनाको त्रासका कारण हात नै नमिलाउन आह्वान गरिएपछि यतिबेला नयाँ शैलीको अभिवादन शुरु भएको छ ।
वुहानशेक नाम दिइएको यस्तो किसिमको अभिवादन शैलीमा मानिसहरु खुट्टा जोड्ने गरेका छन् ।

कोरोनाको प्रकोप शुरु भएको चीनको वुहान शहरबाट शुरु भएका कारण यस्तो शैलीको अभिवादनलाई वुहानशेक नाम दिइएको हो ।

अहिले सामाजिक सञ्जालमा वुहानशेक भाइरल भइरहेको छ । जसमा मानिसहरु एकले अर्काको खुट्टासँग जोडेर अभिवादन साटासाट गर्ने गर्छन् ।

वुहानशेकको भिडियो हेरौं