काठमाडौं– प्रधानमन्त्री केपी शर्मा ओलीको सफल मिर्गौला प्रत्यारोपणको कामना गर्दै मिर्गौला पीडित सरोकार समाजका सदस्य सामूहिक ब्रत बसेका छन् ।

समाजका सदस्यले सत्यनारायणको पूजा लगाउँदै प्रधानमन्त्रीको शीघ्र स्वास्थ्य लाभको कामनासहित ब्रत बसेको समाजकी सदस्य मीना मल्लले बताइन् ।

उनले भनिन्, ‘हामी प्रधानमन्त्रीको स्वास्थ्य लाभको कामना गर्दै व्रत बसेका हौं । उहाँको सफल उपचार भएपछि हाम्रो पनि राम्रो हुन्छ । हामीले सोचेको पूरा हुन्छ । हाम्रो समाजको अध्यक्षको पनि मिर्गौला सम्बन्धि रोग निको होस भन्ने कामना छ ।’

व्रत बस्ने मीनाले आफ्नो छोराका दुवै मिर्गौला फेल भएको र एउटा मिगौला कुहिने अवस्थामा पुगेको पनि बताइन् ।

आफैंले मिगौला दान गरेर छोराका मिर्गौला प्रत्यारोपण गरिने भएकाले त्यसको कामनाको लागि केहि नखाई ब्रत बसेको उनले बताइन ।