काठमाडौं– लगातार उकालो लाग्दै आएको शेयर बजारमा साप्ताहिक कारोबारको तेस्रो दिन (मंगलबार) भने दोहोरो अंकको गिरावट आएको छ ।

मंगलबार शेयर बजार परिसूचक नेप्से १२.०९ विन्दुले घटेर १३३७.०४ विन्दुमा झरेको छ । यस्तै क वर्गका कम्पनीहरुको कारोबार मापन गर्ने सेन्सेटिभ परिसूचक २.९२ ले घटेर २८४.९९ मा झरेको छ ।

नेप्से ओरालो लागे पनि कारोबार रकम भने डेढ अर्ब माथि रहेको छ । मंगलबार कूल १७६ कम्पनीको ४९ लाख ४९ हजार १५ कित्ता शेयर १ अर्ब ५७ करोड एक लाख ६६ हजार १६३ मूल्यमा खरिद बिक्री भयो ।

कारोबार भएका कूल १२ उपसमूहमध्ये मंगलबार ४ उपसमूहको मात्रै शेयर उकालो लागेको छ भने ८ समूहको शेयर ओरालो लागेको छ । विकास बैंक ५.०१, वित्त ०.६३, निर्जीवन बीमा २८.७९ र अन्य ०.९ विन्दुले बढेको छ ।

त्यस्तै बैंकिङ १३.९८, व्यापार ७.७२, होटल ७४.२३, जलविद्युत् १६.४८, उत्पादन ११.५५, लघुवित्त २२.८८, जीवन बीमा ७६.८८ र सामूहिक लगानी कोष ०.१४ ले घटेको छ ।

नेप्सेका अनुसार कारोबारका आधारमा आज नेपाल इन्सुरेन्स कम्पनी शीर्ष स्थानमा रहेको छ । सो कम्पनीको रु १० करोड ७० लाख ६३ हजार ५३० बराबरको कारोबार भयो ।

नेको इन्सुरेन्स रु ६ करोड १३ लाख ८४ हजार ३२७, नेपाल लाइफ इन्सुरेन्स कम्पनी रु ४ करोड ५२ लाख सात हजार २७५, ज्योति विकास बैंक रु ४ करोड ४० लाख ४२ लाख ९४५, गरिमा विकास बैंक रु ३ करोड ८० लाख ७९ हजार ४२९ र प्रभु बैंकको रु ३ करोड ७५ लाख ६२ हजार १३६ बराबरको कारोबार भई शीर्ष स्थानमा रहे ।

नेप्सेका अनुसार सपोर्ट माइक्रोफाइनान्स ९.९९, दिव्यश्वरी हाइड्रोपावर ९.६२, नेशनल हाइड्रोपावर ८.४७, नयाँ नेपाल हाइड्रो ६.४०, ज्योति विकास बैंक ५.२४ र विजय लघुवित्तका शेयरधनीले ५.०५ प्रतिशतले कमाए ।

यस्तै मिथिला लघुवित्त ५.२३, मल्टिपर्पाेज फाइनान्स ४.८२, महिला सहयात्रा माइक्रोफाइनान्स ४.४५, बुटवल पावर कम्पनी ४.०४, सानिमा बैंकको ऋणपत्र ३.९१ र सोल्टी होटलका लगानीकर्ताले ३.८८ प्रतिशतले गुमाए ।