अछाम– अछाममा एक वडाध्यक्ष मृत अवस्थामा भेटिएका छन् । अछामको पन्चदेवल नगरपालिका–२ का वडाध्यक्ष पदमबहादुर धामी घर भन्दा करिब ५ मिटर पर मृत अवस्थामा भेटिएका हुन् ।

गाई भैंसी बाँध्ने गोठ भित्रै शव भेटिएको भन्दै जिल्ला प्रहरी कार्यालय अछामका प्रवक्ता इन्स्पेक्टर रमेश अवस्थीले शव प्रहरीले नियन्त्रणमा लिएको जानकारी दिए ।

हत्या नै भएको हो वा कालगतिले मृत्यु भएको भन्ने विषयमा शव परीक्षण गरे पछि मात्रै भन्न सकिने अवस्था रहेको उनले बताए । स्थानीय र मृतक वडाध्यक्षका आफन्तले भने हत्या नै भएको हुन सक्ने दाबी गरेका छन् ।

मंगलबार बिहान आफन्तले घरमा नभेटेपछि वडाध्यक्ष धामीको खोजी गरेका थिए । खोजीका क्रममा उनको शव गोठमा भेटेपछि स्थानीयले प्रहरीलाई खबर गरेका थिए ।

धामी नेपाली कांग्रेसका तर्फबाट वडाध्यक्षमा निर्वाचित भएका थिए ।

*यसअघि समाचारमा अन्य मिडियाको उद्दरण उल्लेख हुन गएकोमा क्षमाप्राथीसहित भुल सुधार गरिएको छ– सम्पादक