एजेन्सी- क्रिस्टियानो रोनाल्डोले कीर्तिमान कायम गरेको खेलमा युभेन्ट्सले डायनामो किभलाई हराएको छ ।

च्याम्पियन्स लिग फुटबलमा बुधबार भएको समूह जीको खेलमा सिरी ए च्याम्पियन युभेन्ट्सले डायनामो किभलाई ३–० गोल अन्तरले हराएको हो ।

युभेन्ट्सको जितमा रोनाल्डोले करियरको ७ सय ५० गोल पूरा गरे । खेलमा अग्रता युभेन्ट्सले चिसाको गोलबाट २१औँ मिनेटमा लिएको थियो ।

अल्भारो मोराटाको पासलाई सदुपयोग गर्दै रोनाल्डोले दोस्रो गोल गरेका थिए । मोराटाले ६६औँ मिनेटमा गोल गर्दै युभेन्ट्सको जित सुनिश्चित गरेका थिए ।

युभेन्ट्स यसअघिनै नकआउट चरणमा स्थान सुरक्षित गरिसकेको छ । शीर्ष क्लब बार्सिलोनाको १५ अंक छ । युभेन्ट्स १२ अंकसहित दोस्रो स्थानमा छ ।

समूह चरणको अन्तिम खेलमा अर्को हप्ता बार्सिलोना र युभेन्ट्स भिड्नेछन् ।