कास्की- प्रतिनिधिसभा सांसद तथा नेपाली कांग्रेसका आमन्त्रित केन्द्रीय सदस्य सूर्यबहादुर केसीको पोखरामा निधन भएको छ ।

६३ वर्षीय नेता केसीको सोमबार राति निधन भएको हो। पोखरा ७ एयरपोर्टस्थित आफ्नै निवासमा सोमबार राति १०:३० बजे उनको निधन भएको पारिवारिक स्रोतले जनाएको छ।

केही समयदेखि सुगर र प्रेसरले उनी विरामी थिए । ३ वर्षअघि प्रतिनिसभा चुनावताका उनी नेपाली कांग्रेसमा प्रवेश गरेका थिए । केसी पोखरा उपमहानगरपालिकाको तत्कालीन प्रधानपञ्च समेत हुन् ।

उनी पहिलो संविधानसभामा राप्रपाबाट सांसद बनेका थिए । रारा चाउचाउ, हाईड्रो लगायत विभिन्न ब्यापार ब्यवसायमा उनी सफल थिए । सामाजिक क्षेत्रमा उनको महत्वपूर्ण योगदान रहेको छ ।

उनको आजै पोखरामा अन्त्येष्टी गरिने नेपाली काङ्ग्रेस कास्कीका प्रबक्ता नवीन सिक्देलले बताए ।