दोहा – गैरआवासीय नेपाली संघ (एनआरएनए) राष्ट्रिय समन्वय परिषद कतारको समन्वयमा रक्तदान कार्यक्रम आयोजना हुने भएको छ ।

आउँदो ३० अक्टोबर शुक्रबारका दिन बिहान ८ बजेबाट हमाद हस्पिटलको ब्लड डोनर सेन्टरमा रक्तदान कार्यक्रम आयोजना गर्न लागिएको गैर आवासिय नेपाली संघ,राष्ट्रिय समन्वय परिषद कतारका अध्यक्ष मोहम्मद मुक्तदा मुसलमानले जानकारी दिए ।

यस रक्तदान कार्यक्रम एनसीसीको समन्वयमा कतारमा स्थापित सम्पूर्ण नेपाली संघ संस्थाहरु पनि आयोजक संस्थाको रुपमा रहने भएकाले संस्थागत सहभागी र रक्तदाताहरुको विवरण २३ अक्टोबर सम्ममा एनसीसी कतारलाई पठाइसक्नु पर्ने उनले बताए ।

रक्तदान कार्यक्रममा सहभागिताका लागि कतारमा स्थापित सम्पूर्ण संघ संस्थाका प्रमुख र कतारमा बस्ने नेपालीलाई संघले आग्रह गरेको छ ।