काभ्रे- काठमाडौं उपत्यका प्रवेश गर्ने साँगा नाकामा खटिएका सुरक्षाकर्मीमा कोरोना भाइरसको संक्रमण पुष्टि भएको छ ।

सीमा नाकामा खटिएको सुरक्षा टोलीका दुई जनालाई कोरोना भएको स्वास्थ्य कार्यालय काभ्रेका बरिष्ठ स्वास्थ्य प्रशासक एवं प्रमुख डा. नरेन्द्रकुमार झाले बताए ।

विहिबारसम्म जिल्लामा २ सय ९४ जना ब्यक्ति संक्रमित भएका छन् । जस मध्ये १ सय ११ जना निको भएर घर फर्किसकेका छन् ।

विहिबार मात्रै दुई सुरक्षाकर्मी सहित ८ जना नयाँ संक्रमित थपिएका छन् । जसमा पनौती नगरपालिका घर भएका दुई महिला छन् भने धुलिखेल नगरपालिका स्थायी घर भएका चार जना छन् ।

उनीहरुमध्ये केही अस्पतालमा उपचारार्थ विरामी छन् । यस अघि जिल्लामा २२ जना सुरक्षाकर्मी संक्रमित थिए ।

संक्रमित सुरक्षाकर्मीको  संख्या अब २४ पुगेको छ ।