जनकपुर- प्रदेश २ मा कोरोना संक्रमितको संख्या ५ हजार नाघेको छ।

सोमबार मात्रै १०३ संक्रमति थपिएका छन्। यो संख्यासँगै संक्रमित ५ हजार ९ पुगेका छन्। सामाजिक विकास मन्त्रालयका वरिष्ट जनस्वास्थ्य प्रशासक विजय कुमार झाका अनुसार पछिल्लो २४ घण्टामा पर्सामा सबैभन्दा बढी ३८ जनामा कोरोना संक्रमण पुष्टि भएको छ।

यस्तै धनुषा र महोत्तरीमा ३०/३० जना कोरोना संक्रमित थपिएका छन्। बारामा ३ जना, सिरहामा १ जना र सर्लाहीमा पनि १ जनामा कोरोना संक्रमण पुष्टि भएको छ।

प्रदेश २ मा आज ११ जना निको भएर अस्पतालबाट डिस्चार्ज भएका छन्। तीमध्ये ३ जना महिला छन्।

आजको तथ्यांक हेर्दा प्रदेश २ का तीन मुख्य शहर जनकपुरधाम, वीरगन्ज र जलेश्‍वरमा बढी संक्रमित फेला परेका छन्। यी तीनै शहरमा कोरोनाको जोखिम बढेको छ ।