काठमाडौं- गत शनिबारबाट नेपाल प्रवेश गरेको सलह किराले विभिन्न जिल्लामा अन्नबालीमा क्षति पुर्‍याएको छ ।

मुलुकका २७ भन्दा बढी जिल्लामा देखिएको सलह किरा ओखलढुंगामा पनि ठूलो झुण्डमा देखिएको स्थानीयले जनाएका छन् ।

फट्याङ्ग्रा जातको सलह कीरा ठूलो झुण्डमा देखिन थालेको स्थानीयले बताएका हुन् । जिल्लाको चम्पादेवी गाउँपालिका र खिजिदेम्बा गाउँपालिकाका विभिन्न वडाहरुमा सलह कीरा ठूलो झुण्डमा देखिएको हो ।

कृषकहरुले लगाएको धान तथा मकै बालीमा करिब १ सय देखि ७ सय सम्मको झुण्डमा सलक देखिन थालेको कृषी ज्ञान केन्द्र ओलखढुंगाले जनाएको छ ।

कृषी ज्ञान केन्द्र ओखलढुंगाका बाली संरक्षण अधिकृत हेम आले मगरका अनुसार गत असार १७ गतेदेखि जिल्लामा प्रवेश गरेको सलह कीराको विवरण संकलन गर्न थलिएको छ ।

विहीबार जिल्लाको खिजिदेम्बा गाउँपालिकाको वडा नम्बर ५, ७ र ८ मा समेत सलह देखिएको कृषी ज्ञान केन्द्र ओखलढुंगाले जनाएको छ ।

यस बाहेक सिद्धिचरण नगरपालिकाको रुम्जाटार तथा बिगुटार क्षेत्रबाट समेत कृषकहरुले सानो झुण्डमा सलह देखिन थालोको जानकारी दिएका छन् ।