काठमाडौं । बैंकिङ कसूर मुद्दामा फरार प्रतिवादी पक्राउ परेका छन् । कसूर मुद्दामा फरार रहेका भक्तपुरको मध्यपुर ठिमी नगरपालिका ७ का राम ज्यापु र काठमाडौं बुढानिलकण्ठ नगरपालिका ११ पैँयूटारका प्रकाश बुढाथोकीलाई प्रहरीले पक्राउ गरी सार्वजनिक गरेको हो ।

उच्च अदालत पाटनको ०७६ भदौ २ गतेको फैसलाले ज्यापूलाई ११ लाख ५० हजार रुपैयाँ जरिवाना र तीन दिन जेल तथा ०७६ मा३ २४ गतेको फैसलाले बुढाथोकीलाई १० लाख ५० हजार जरिवानासहित ७ दिन जेल सजाय सुनाएको थियो ।

उनीहरुले बैंकमा रकम नभएको जानी जानी रकम भुक्तानीका लागि चेक काटेर दिएका थिए । चेक बाउन्स भएपछि पक्राउ परेका दुवै जनालाई कैद भुक्तानी गर्न केन्द्रीय कारागार सुन्धारा पठाइएको छ ।