काठमाडौं- स्वास्थ्य तथा जनसंख्या मन्त्रालयले शुक्रबारदेखि कोरोना परीक्षणको दायरा बढाएको जानकारी दिएको छ ।

स्वास्थ्य मन्त्रालयका प्रवक्ता डा जागेश्वर गौतमले कोरोना परीक्षणको दायरा बढाउँदै अस्पतालमा उपचारका लागि आउने बिरामीहरुको कोरोना परीक्षण गर्ने बताएका हुन् ।

डा गौतमका अनुसार दीर्घ रोगहरु क्यान्सर, मधुमेहका बिरामीहरु, आकस्मिक सेवा लिन अस्पताल पुग्ने बिरामीहरु, आइसीयुमा भर्ना भएका बिरामीहरुको कोरोना परीक्षण गरिने छ ।

यस्तै कोरोना संक्रमणको पकेट एरियामा रहेका व्यक्तिहरु र स्वास्थ्यकर्मीको पनि कोरोना परीक्षण गरिने डा गौतमले जानकारी दिए ।

क्लिनीकल समन्वय समितिको छलफलबाट सरकारी, सामुदायिक र निजी अस्पतालमा बिरामीको उपचार गर्ने व्यवस्था मिलाइएको डा गौतमले जानकारी दिए।