काठमाडौं– सेती प्रादेशिक अस्पतालमा गरिएको परीक्षणमा ३९ जनामा कोरोना संक्रमण पुष्टि भएको छ ।
अस्पतालले एक विज्ञप्ति जारी गर्दै अछाम, बैतडी, बझाङ, डोटी, कैलाली र कंचनपुरका ३९ जनामा कोरोना संक्रमण पुष्टि भएको जनाएको हो । उनीहरु मध्ये ९ जना महिला र ३० जना पुरुष रहेका छन् ।
नयाँ थपिएका संक्रमित मध्ये ३ जना बालबालिका समेत रहेका छन् ।
नयाँ थपिएका संक्रमितहरु अछामका २ जना पुरुष, बैतडीका एकजना ८ महिने बालिका र ३ जना पुरुष, बझाङका एकजना पुरुष, डोटीका एकजना महिला र ११ जना पुरुष, कैलालीका साढे २ वर्षकी एक बालिका, २ जना महिला र ११ जना पुरुष र कंचनपुरका ३ जना महिला र २ वर्षका एक बालक र ३ जना पुरुष रहेका छन् ।
प्रतिक्रिया