काठमाडौं– लुम्बिनी प्रादेशिक अस्पताल बुटवलमा उपचाररत ३ जना कोरोना संक्रमितलाई आइसीयुमा भर्ना गरिएको छ ।

अस्पतालले जारी गरेको विज्ञप्तिका अनुसार अस्पतालमा उपचारत कोरोना अस्थायी अस्पतालमा रहेका ३३ जना बिरामी मध्ये ३ जना संक्रमति आइसीयुमा भर्ना गरिएको हो ।

हालसम्म लुम्बिनी अस्पतालमा भर्ना भएकामध्ये १९ जना कोरोना संक्रमण मुक्त भएर घर फर्किएका छन् ।

लुम्बिनी प्रादेशिक अस्पतालका सूचना अधिकारी डा विष्णु गौतमका अनुसार आइसियुमा रहको ३ जना संक्रमित नै पुरुष हुन् । उनीहरु कपिलवस्तुका २१ वर्षका पुरुष, ३७ वर्षका वर्षका दाङ र ५३ वर्षका पुरुष रुपन्देहीको बुटवलका हुन् ।

अस्पतालका सूचना अधिकारी डा गौतमका अनुसार २१ वर्षका संक्रमतिलाई मधुमेहको समस्या रहेको छ । उनी ५ दिनअघि अस्पतालमा भर्ना भएका हुन् । उनलाई अस्पताल भर्ना भएको दुई दिन भेन्टिलेटरमा राखेर तीन दिन अघि भेन्टिलेटबाट निकालेर आइसीयुमा राखिएको छ ।

यस्तै ३७ वर्षका कोरोना संक्रमति पुरुषमा डेंगु रोग समेत देखिएको छ । उनमा डेंगु रोग पनि भएको र श्वासप्रश्वासमा समस्या भएपछि दाङबाट लुम्बिनी प्रादेशिक अस्पतालमा रेफर भएर आएका हुन् ।

अर्का ५२ वर्षका पुरुष हिजो मात्र कोरोना संक्रमण पुष्टि भएका व्यक्ति हुन् । उनमा निमोनिया भएर श्वासप्रश्वासको समस्या देखिएपछि आइसीयुमा भर्ना गरिएको अस्पतालका सूचना अधिकारी डा गौतमले जानकारी दिए ।