काठमाडौं- पछिल्लो २४ घण्टामा कोरोना भाइरसको संक्रमण निको भएर थप १२ जना संक्रमित डिस्चार्ज भएका छन्।

टिचिङ अस्पतालमा उपचार गराइरहेकी कपिलवस्तुकी ६ वर्षीया बालिका १९ औँ दिनमा कोरोना संक्रमणमुक्त भएर डिस्चार्ज भएकी छन्।

स्वास्थ्य मन्त्रालयका अनुसार जनकपुर अस्पतालबाट ५ जना संक्रमितहरु ११ औँ देखि १६ औँ दिनको अवधिमा डिस्चार्ज भएका हुन्। त्यसैगरी टेकु अस्पतालबाट एक जना ९ औँ दिनको अवधिमा डिस्चार्ज भएका हुन्। बलम्बुबाट १ जना संक्रमित १५ औँ दिनको अवधिमा डिस्चार्ज भएका हुन्।

बुटवलबाट ४ जना संक्रमितहरु १० औँ दिनको अवधिमा डिस्चार्ज भएका छन्। योसँगे  नेपालमा कोरोना भाइरसको संक्रमण निको भएर घर फर्किनेको संख्या २७८ पुगेको छ।

प्रादेशिक विवरण अनुसार हालसम्म प्रदेश १ मा ४८ जना, प्रदेश २ मा १०९, वागमती प्रदेशमा ३१, गण्डकीमा ३, प्रदेश ५ मा ८० र सुदूरपश्चिम प्रदेशमा ७ जना संक्रमणमुक्त भएका हुन्।