काठमाडौं- नेपाली कांग्रेसका नेता गगन थापाले नेपालमा काेरोना भाइरसको सम्भावित जोखिम न्यूनिकरणका लागि सबै सचेत हुनुपर्ने  बताएका छन् ।

काठमाडौं महानगरपालिका वडा नं. ३० मा राहत वितरणको प्रारम्भ गर्दै उनले यो विपद्को अवस्थामा सवैले सम्यमता अपनाउन आग्रह गरेका हुन् ।

उनले सरकारले लागू गरेको लकडाउनलाई उल्लंघन नगरी घरमै बसरे सावधानी अपनाउन समेत अनुरोध गरेका छन् ।

उनले लकडाउनका कारण ज्याला मजदुरी गर्नेहरुलाई छाक टार्न अफ्ट्यारो परेको अवस्थामा उनीहरुको भाग खोसेर नलिइ सहयोग गरिदिन समेत आग्रह गरेका छन् । उनले दिन सक्नेले आ-आफ्नो क्षेत्रबाट दिएर सहयाेग गर्न समेत अनुरोध गरेका छन् ।

उनले सामाजिक सञ्जालमा लेखेका छन्- “यो बेला अप्ठ्यारोमा नपर्ने को नै होला र? तर छाक टार्न सकिरहेकोले पनि राहत लिन हात थाप्ने हो भने जसको चुलो निभेको छ उनीहरू प्रति अन्याय हुन्छ त्यसैले यो विपत्तिमा दिन सक्नेले दिएर मद्दत गरौँ, लिन नपर्नेले नलिएर मद्दत गरौँ ।”