काठमाडौं – हास्य कलाकार सीताराम कट्टेल र कुञ्जना घिमिरे यतिबेला सेल्फ क्वारेन्टाइनमा छन् । क्वारेन्टाइनमा रहेका धुर्मुस सुन्तलीले भिडियो बनाएर सामाजिक सञ्जालमा अपलोड गरिरहेका हुन्छन् ।

हालै धुर्मुसले सामाजिक सञ्जालमा एक भिडियो सार्वजनिक गरेका छन् । जाइफूलको बासना बोलको गीतमा व्यङ्ग्य गर्दै गाइएको धुर्मुस र सुन्तलीले गाएको गीतमा सीमामा अलपत्र परेका नेपालीलाई ल्याउन अनुरोध गरिएको छ ।

हाम्रो सरकार के गर्दै बस्या छन्
मजदुर जति सीमामा बस्या छन्

जाइफूलको बासना
उद्धार गरी क्वारेन्टाइनमा राख न

उनीहरुले भिडियोमार्फत सरकारलाई बलियो भएर अगाडि बढ्न पनि अनुरोध गरेका छन् । यस्तै गरीबलाई रासन दिनुपर्ने र भष्ट्राचारलाई कडा शासन लगाउनुपर्ने समेत बोलेका छन् । धुर्मुस सुन्तलीले कोरोनाले सबै नेपालीलाई एक जुट हुन सिकाएको पनि गीतमार्फत बताएका छन् ।