काठमाडौं- कतारबाट आएका एक जना नेपालीलाई कोरोनाको आशंकामा टेकु अस्पतालको आइसोलेसनमा भर्ना गरिएको छ।
मंगलबार चार जना नेपालीलाई डिस्चार्ज गरेकै दिन थप एकजनालाई कोरोनाभाइरसको आशंकामा आइसोलेसन वार्डमा भर्ना गरिएको टेकुस्थित शुक्रराज ट्रपिकल तथा सरुवा रोग अस्पतालका प्रवक्ता डा. अनुप बास्तोलाले जानकारी दिए ।
कतारबाट फर्केका ५४ वर्षीय ती व्यक्तिलाई कोरोनासँग मिल्ने लक्षण देखिएपछि आइसोलेसनमा भर्ना गरिएको उनले बताए ।
‘उहाँमा रुघाखोकी र श्वासप्रश्वासको समस्या देखिएपछि मंगलबार नै आइसोलेसनमा भर्ना गरेका छौं’ बास्तोलाले भने।
अर्का दक्षिण कोरियाबाट फर्केका एक जना हिजोदेखि आइसोलेसनमा छन्।
प्रतिक्रिया