काठमाडौं– त्रिभुवन अन्तर्राष्ट्रिय विमानस्थलबाट १ किलो सुनसहित फेरि २ जना भारतीय नागरिक पक्राउ परेका छन् ।

एयर अरेबियाको उडानमार्फत कतारको दोहाबाट काठमाडौं उत्रिएका २ जना भारतीयलाई मलद्वारमा लुकाएर ल्याएको २ किलो सुनसहित पक्राउ गरिएको प्रहरीले जनाएको छ ।

विमानस्थल सुरक्षा प्रहरी र महानगरीय अपराध महाशाखाको संयुक्त अभ्यासका क्रममा २ जना भारतीय नागरिक पक्राउ परेका हुन् ।

पक्राउ पर्नेमा नवीन गोपिचन्द र सुरेशलाल भारत छन् । उनीहरुले १ किलो सुनलाई ६ वटा गोली बनाएर मलद्वारमा राखेर तस्करी गरी काठमाडौं पु¥याएका थिए ।

पछिल्लो एक हप्तामा मात्रै मलद्वारमा सुन लुकाएर तस्करी गर्ने भारतीयहरु दोस्रो पटक त्रिभुवन अन्तर्राष्ट्रिय विमानस्थलमा पक्राउ परेका हुन् ।

मंगलबार पनि प्रहरीले मलद्वारमा लुकाएर ल्याएको आधा किलो सुनसहित १ जना भारतीयलाई पक्राउ गरेको थियो ।

यस्तै, बिहीबार पनि गालेर ल्याएको साढे १ किलो सुनसहित त्रिभुवन अन्तर्राष्ट्रिय विमानस्थलबाट २ जना भारतीय पक्राउ परेका थिए ।