काठमाडौं– काठमाडौंको ठमेल क्षेत्रलाई आधार बनाएर गुण्डागर्दीमा संलग्न ‘राते डन’ भनिने सुजन श्रेष्ठ पक्राउ परेका छन् ।
ज्यान मार्ने उद्देश्यले १ जना व्यक्तिलाई रडले हानेर घाइते बनाएको अभियोगमा महानगरीय अपराध महाशाखाले राते भनिने श्रेष्ठलाई पक्राउ गरेको हो ।
१८ चैत २०७५ मा गुण्डा नाइके रातेसहति रेम्बो भनिने अजय गुरुङले विष्णु कठायतमाथि रड प्रहार गरेका थिए ।
कठायतले प्रहरीमा उजुरी दिएपछि फरार भएका रातेलाई शुक्रबार नियन्त्रणमा लिइएको अपराध महाशाखाले जनाएको छ ।
पक्राउ परेका रातेमाथि ज्यान मार्ने उद्योग गरेको कसुरमा अनुसन्धान प्रक्रिया अगाडि बढाइएको प्रहरीले जनाएको छ ।
प्रतिक्रिया